牛爆前玩震倉？

由上年2011年10月開始呢半年無沾手過股票牛熊，繼續為持旁觀者清心態！
好耐無寫文章，今日發牢騷寫兩句，不代表我想複出股海！
仲有賭徒係個2萬點樓上為持牛勢，真正牛市開始我尚未感受得到。成日話牛市係絕望中或悶氣中誕生？而家我Feel唔到，只Fell到依然有老散磨拳擦掌入重貨或半重貨睇牛二出現？
更感受到而家仲有賭鬼唔信自己燈，仲要賭！賭仔最忌磨爛蓆，唔信邪的話只會成日被市場食左一巴(又)一巴咁玩！由上年六月至今依然睇係熊市，唔阻牛兄你發達。熊弟旁觀祝福你！

圍困垓下、四面楚歌

網誌日期：2011-08-10 17:16

今日HSI收報19783，升452點，成交828億！係咪連續三日巨量抽水，今日冇水灌溉？
後記10-Aug-2011  9:10AM美國聯儲局表明會於未來兩年內維持超低息環境，當然屬於利好股市的消息！承接老美尾市(抽肋式)大升430點！HSI早市可上200樓上！大家小心200大位有可能得而覆失！昨日大V變倒V令我有點擔心後市。雖然大陸CPI超預期，可能星期一跌100點及昨日跌了40幾點已反映晒吧！
呢個星期要多留意A服走勢才有定論。老美就睇下1100大位係咪真係守到先？
今早開市前講左200大位小心得而復失，我站在淡友大戶心態諗，開市後比HSI抽升上1000點！一來會開始比老散解套，二來升破200大位之後，阿爺開市再標升，可能會被好友大戶乘機屈機抽多300-400補埋星期一裂口20490，現在主動權被奪！
所以一定會係200注兵把守，最多比你好友上推上202附近！因呢三日大挫牛軍士氣、殺死不少將士！乘你好友尚未重震旗鼓之際，一定將好友趕回200大位，楚河分界線樓下免得有後患！而且早上阿爺發威50點，HSI都被淡友力壓。已印證淡友200把守決心！
估計淡友大戶應該等侯A股回軟時借勢搶攻往下PULL測試好友反應，(就係乘你士氣低落進攻)
估唔到下午開市不久就傳5仔、388停牌不利消息！再加南北韓無聊對戰！乘機做就淡友四面楚歌環境，輕則今早買正股中伏坐股監、重則迫使唔少買CALL/牛搏大升好友到烏江！
今日操作，結果差唔多跟足我版本！係咪無貨在手，諗野都清昕D？
第一版本(補少少裂口)估計HSI會承接老美尾市(抽肋式)大升430點，會補下少少裂口202-203！
手痕買入183牛X100K，可惜在0.068被人大手沽，開始唔跟貼HSI，沽出為敬賺100蚊！其後見阿爺越升越有，HSI就被淡友擋到實，擺明唔比你升咁款！
開始定立第二版本(困於垓下)因前兩次睇淡不敢做淡，令我更加想做淡！觀察今日敢大手做淡既人唔多，睇期指敏感位似有下跌勢頭，睇阿爺應見今日高位會回軟！等埋阿爺回軟就萬事具備走一轉！
下午阿爺真係跑得快要抖抖，開市不久即穿期指理想位，追入220熊@0.251 X 100K、兩三分鐘後見再抽升，高谷輸縮乘勢追擊220熊@0.255 X100K！其後得知5、388等停牌不利消息影響！於0.27止賺一半鎖定利潤，再Set餘下100K@0.29竟然沽晒！連手續費賺5270蚊！
今日跟劉邦學野，圍困垓下、意外出現四面楚歌！
現保留100% Cash

買賣後,今年蝕了$21500
07年至今累積蝕了81500

在楚漢相爭之初，項羽佔了優勢。劉邦雖曾利用項羽攻齊之機，襲擊楚都彭城，但很快被項羽所大敗，退守滎陽（今河南滎陽北）。後來劉邦鞏固了關中之基地，又極力籠絡諸方力量，轉劣為優，使雙方形成長期的拉鋸局面。公元前203年，劉邦派人跟項羽講和，以鴻溝為界。和約告成後，項羽即引兵東撤，但劉邦聽張良、陳平之計會師攻楚。前202年12月，項羽被漢軍圍困於垓下（今安徽靈壁），聽到四面楚歌，以為楚地已被漢軍所佔，於是突圍逃至烏江（今安徽和縣東北），因見大勢已去，無面目見江東父兄，自刎而死。楚漢之爭至此結束，前後歷時五年（前二零六年 -- 前二零二年）。

後記:11-AUG-2011   9:18AM
老美原來大跌520點！今日極可能試星期二底，可能係被淡友迫降我既策略版本(卧薪嘗膽)順勢走一轉、(田單火牛陣搶攻)要靠阿爺支援，先苦後甜！

夾期指推指數上23000

在A股狂跌之下, 老美數據欠佳。
近呢兩日臨近期指結算, 大戶夾期指推指數上230結算！真無奈。